ფიზიკური და ფსიქო-სოციალური დახმარება საქართველოში მცხოვრები ბავშვებისთვის: განათლება, რეაბილიტაცია, თბილი გარემო და უფლებების დაცვა.
1995
წლიდან
516
ბავშვი
8
სამსახური
4
ქალაქი
არასამთავრობო ორგანიზაცია „ბავშვი და გარემო“ დაარსდა 1995 წლის აპრილში. მისი მიზანია ფიზიკური და ფსიქო-სოციალური დახმარება გაუწიოს საქართველოში მცხოვრებ ბავშვებს. ორგანიზაცია მოწოდებულია, დაიცვას ბავშვთა უფლებები, ხელი შეუწყოს მათ კულტურულ ზრდას, გააღვივოს ბავშვებში გარემოსთან ჰარმონიული თანაცხოვრების მოთხოვნილება.
იგი მიზნად ისახავს მრავალმხრივი დახმარება გაუწიოს უკიდურესად ხელმოკლე, ობოლ, შეზღუდული შესაძლებლობების მქონე, ლტოლვილ და ქუჩის ბავშვებს, ხელი შეუწყოს მათი განათლების დონის ამაღლებას, მათ შემოქმედებით საქმიანობას და ინტეგრაციას საზოგადოებრივ ცხოვრებაში.
შვიდი ძირითადი მიმართულება, რომელშიც ვმუშაობთ ბავშვების და მათი ოჯახების მხარდასაჭერად.
დიუშენის კუნთოვანი დისტროფიის მქონე ბავშვების მხარდაჭერა.
შშმ ბავშვთა ფსიქო-სოციალური რეაბილიტაცია და ინტეგრაცია ზოგადსაგანმანათლებლო სასკოლო სისტემაში.
უკიდურესად მძიმე მდგომარეობაში მყოფი, შშმ და იძულებით გადაადგილებული ბავშვები და მათი ოჯახები.
მიზნობრივი ჯგუფებისთვის ღონისძიებების ჩატარება და განათლების ხელშეწყობა.
მიუსაფარი ბავშვების პრობლემებზე მუშაობა.
ბავშვის უფლებათა დაცვა და ამ უფლებების განხორციელება.
მიზნობრივი ჯგუფების პრობლემების შესახებ ცნობიერების გაზრდა.
ორგანიზაციის ბაზაზე მოქმედებს 8 სამსახური მიტოვების რისკის ზღვარზე მყოფი და შშმ ბავშვებისთვის, სულ 516 ბავშვისთვის.
თბილისი, აბასთუმნის ქ. #4
დღის ცენტრი რისკის ჯგუფის ბავშვებისათვის. ცენტრში მოსარგებლე ბავშვებს ხელი ეწყობათ ფორმალური და არაფორმალური განათლების მიღებაში, შემოქმედებითი უნარების განვითარებაში და თვითრეალიზაციაში. ცენტრის მრავალმხრივი დახმარებით ყოველდღიურად 21 ბავშვი სარგებლობს.
თბილისი, აბასთუმნის ქ. #4
დღის ცენტრი შეზღუდული შესაძლებლობის მქონე ბავშებისთვის (დაარსდა 2001 წელს). ამ ცენტრში 67 ბავშვი ივითარებს სასიცოცხლო უნარ-ჩვევებს და გადის მომზადებას ინკლუზიური სწავლებისთვის ზოგადსაგანმანათლებლო სკოლებში.
თბილისი
2020 წელს თბილისში ამუშავდა ფიზიოთერაპიის კაბინეტი შეზღუდული შესაძლებლობების მქონე ბავშვებისთვის; ეს სამსახური დახმარებას უწევს 60 შშმ ბავშვს.
თბილისი
2022 წლიდან თბილისში ამოქმედდა ბავშვთა ადრეული განვითარების სამსახური, სადაც დახმარება ეწევა განვითარების შეფერხების მქონე 0-7 წლის ასაკის ბავშვებს და მათი ოჯახების წევრებს ამ პრობლემების დროულ გამოვლენაში, რისკების აცილებაში; ხელი ეწყობა გამართულ ფუნქციონირებას და საჭირო ზედამხედველობას. ამგვარი დახმარება ყოველთვიურად ეწევა 110 ბავშვს.
1995 წლიდან დღემდე. ძირითადი ნაბიჯები ჩვენი ისტორიიდან.
არასამთავრობო ორგანიზაცია „ბავშვი და გარემო“ დაარსდა 1995 წლის აპრილში.
კრიზისული ცენტრი 30 მიუსაფარი ბავშვისთვის თბილისში.
შშმ ბავშვებისთვის თბილისში.
სოციალური მუშაკები, ფსიქოლოგები და იურისტი ეხმარებოდნენ ბენეფიციარ ოჯახებს.
რუსთავში, 10 ბავშვზე.
„იავნანა“ ლანჩხუთში, „მერცხალი“ მარნეულში, „პეპელა“ წყალტუბოში.
შშმ ბავშვებისთვის, 60 ბენეფიციარი.
0-7 წლის ბავშვებისთვის, 110 ბენეფიციარი.
ბავშვები გადანაწილდნენ მცირე საოჯახო ტიპის სახლებში.
ჩვენი მოზარდები და მათი ოჯახები ითხოვენ სრულწლოვანი შშმ ბენეფიციარებისთვის სამსახურის შექმნას.
18 წლის ასაკს მიღწეულ შშმ აღსაზრდელებს უხდებათ ჩვენთან არსებული სამსახურებიდან გასვლა, ხოლო ეს გარემოება მათი უმეტესობის ფსიქოლოგიურ მდგომარეობაზე უარყოფითად მოქმედებს, ადგილი აქვს მიჯაჭულობის ფაქტორს. მოზარდებისა და მათი ოჯახის წევრების მხარდასაჭერად, საჭიროა ზრდასრულთა სამსახურის გახსნა.
საბანკო რეკვიზიტები
ანგარიშის ნომერი (IBAN)
GE44BG0000000213727102მიმღები
ა.ა.ი.პ. „ბავშვი და გარემო“
საიდენტიფიკაციო კოდი
203832460
ბანკი
საქართველოს ბანკი
ნებისმიერი ოდენობის შემოწირულობა გვეხმარება ბავშვებისთვის უკეთესი მომავლის შექმნაში.
მოგვწერეთ ან მოგვაკითხეთ ოფისში. ჩვენ ვართ თბილისში, აბასთუმნის ქუჩა 4-ში.